’دھونی انڈیا کو ہر میچ نہیں جتوا سکتے‘

انڈین کرکٹ ٹیم کے کپتان وراٹ کوہلی اور کوچ روی شاستری نے مہندر سنگھ دھونی کی بیٹنگ کے بارے میں پوچھے گئے سوالات پر ہمیشہ ان کا دفاع کیا ہے۔
روی شاستری نے دھونی کا دفاع کرتے ہوئے کہا کہ سابق کپتان انڈیا کو ہر میچ نہیں جتوا سکتے۔
ٹیم کے کپتان ورات کوہلی نے کہا کہ ’اگر میں تین بار ناکام ہوں تو لوگ مجھ پر انگلی نہیں اٹھائیں گے کیونکہ میں 35 سال کا نہیں ہوں‘۔
انھوں نے دھونی کے بارے میں کہا کہ ’وہ مکمل طور پر فٹ ہیں اور تمام فٹنس ٹیسٹ سے گزر رہے ہیں، ہر طرح سے ٹیم میں حصہ لے رہے ہیں۔ اگر آپ آسٹریلیا اور سری لنکا کے ساتھ سیریز دیکھیں تو ان کی کارکردگی اچھی تھی اور اس دوران انھیں بیٹنگ کا موقع نہیں ملا۔‘
کوہلی نے ایم ایس دھونی کا موازنہ ہاردک پانڈیا سے کرتے ہوئے کہا ’کانپور میچ میں، دھونی کو بیٹنگ کرنے کا موقع نہیں ملا، آپ کو یہ سمجھنا ہوگا کہ جس مقام پر دھونی ہیں اس پر ہاردک پانڈیا بھی پہنچ کر رنز نہیں بنا سکتے‘۔
انھوں نے کہا ’پھر کیوں ہم صرف ایک شخص کو نشانہ بنا رہے ہیں؟ راجکوٹ میچ میں ہاردک بھی جلد ہی آؤٹ ہو گئے تھے۔ ایسی صورت حال میں، ہم صرف ایک شخص کو نشانہ بنا رہے ہیں‘۔

اپنا تبصرہ بھیجیں