مطالبات منظور، لاہور میں 12 روز سے جاری تحریک لبیک کا دھرنا ختم

فیض آباد دھرنے میں جاں بحق تحریک کے کارکنوں کے قتل کا مقدمہ درج کرلیاگیافیض آباد دھرنے میں جاں بحق تحریک کے کارکنوں کے قتل کا مقدمہ درج کرلیاگیا
میڈیا رپورٹس کے مطابق تحریک لبیک اور حکومتی ٹیم میں مذاکرات کامیاب ہوگئے۔ یہ مذاکرات 11 گھنٹے تک جاری رہے۔ دھرنا ختم کرنے کا اعلان پیر افضل قادری نے داتا دربار کے سامنے پریس کانفرنس میں کیا۔انہوں نے کہا حکومت ہمیشہ ٹال مٹول سے کام لیتی رہی ، تحریک لبیک کا دھرنا گیارہ دن سے جاری ہے، رہنما ایک لمحے کے لیے باہر نہیں گئے، حکومت کا خیال تھا چند لوگ ہیں، کچھ نہیں کرسکتے، جب تحریک لبیک نے احتجاج کا اعلان کیا ملک کے بیشتر حصے جام ہوکررہ گئے، حکومت مذاکرات کے لیے مجبور ہوگئی، راجہ ظفرالحق کی رپورٹ ہمارے حوالے کردی گئی ہے، لائوڈ اسپیکرکے ذریعے چاروں اطراف اذان کی اجازت مل گئی ہے، مذاکرات میں طے پایا کہ رانا ثنااللہ تحریک کے رہنمائوں کے سامنے پیش ہونگے۔ تحریک لبیک کے رہنما جو فیصلہ دینگے اس پر عمل کرینگے، حکومت مذاکرات نہ کرتی تو پورے ملک میں بھرپور احتجاج ہوتا۔ دوسری جانب علامہ خادم حسین رضوی نے بھی دھرنے ختم کرنے کا اعلان کرتے ہوئے ساتھ دینے والوں کا شکریہ ادا کیا۔

اپنا تبصرہ بھیجیں

This site uses Akismet to reduce spam. Learn how your comment data is processed.