بعض بالی وڈ ستارے، تعلیم میں پیچھے، شوبز میں آگے

کچھ بالی وڈ اسٹارز ایسے بھی ہیں جو بالی وڈ میں خاصے کامیاب رہے تاہم وہ تعلیمی میدان میں زیادہ کامیابیاں حاصل نہیں کر سکے۔بالی وڈ کے کئی اداکار چھوٹی عمر سے ہی شوبز میں محنت کر رہے ہیں اور ان کا شمار صف اول کے فنکاروں میں ہوتا ہے۔ لیکن انہیں یہ کامیابی اپنا تعلیمی سفر ادھورا چھوڑ کر ملی۔ کپور خاندان کی باصلاحیت چشم و چراغ کرینہ کپور نے صرف 20 سال کی عمر میں پہلی فلم میں کام کیا تھا۔ اس وقت وہ ممبئی کے مٹھی بائی کالج میں کامرس کی تعلیم حاصل کر رہی تھیںمگر پہلی فلم کے بعد ہی وہ فلم انڈسٹری میں بے پناہ مصروف ہوگئیں جس کے باعث وہ اپنی تعلیم مکمل نہ کرسکیں۔ عامر خان کو پڑھنے لکھنے کا شوق نہیں تھا۔انہوںنے بمشکل ہائی اسکول پاس کرنے کے بعد والدین سے صاف صاف کہہ دیا کہ وہ تعلیمی سلسلہ جاری رکھنے میں کوئی دلچسپی نہیں رکھتے۔

اپنا تبصرہ بھیجیں