لیلتہ القدر کی تلاش: 27 ویں شب پر خصوصی عبادات

کراچی: رمضان المبارک کی 27 ویں شب کے موقع پر کراچی سمیت ملک بھر کی مساجد اور گھروں میں خصوصی اذکار کی محافل سجائی گئیں اور افضل ترین رات کی تلاش میں شب بیداری اور عبادات کا خصوصی طور پر اہتمام کیا گیا۔ ہمیشہ کی طرح اس سال بھی ماہ مقدس کی 27 ویں شب کو ملک بھر کی ہزاروں مساجد میں ختم قرآن کی سعادت حاصل کی گئی۔ اس موقع پر علماءنے اپنے خطاب میں شب قدر کی فضیلت اور رمضان المبارک کی اہمیت کو قرآن و حدیث کی روشنی میں بیان کیا۔ اس موقع پر ملک بھر میں بڑی تعداد میں شہریوں نے رات مساجد میں گزاری اور گھروں پر بھی عبادات کا سلسلہ جاری رہا۔