اسلام آباد اور پنجاب کے مختلف شہروں میں تیز ہوائیں اور بارش

اسلام آباد میں صبح سویرے کالی گھٹائیں چھائیں پھر بادل برسے اور کھل کر برسے، ٹھنڈی ٹھنڈی ہوائیں چلیں تو گرمی اُڑن چھو ہوگئی جس سے جڑواں شہروں کے باسیوں کا موڈ بھی خوشگوار ہوگیا۔ خیبرپختونخوا کے مختلف علاقوں میں بھی باد لوں نے ڈیرے جمالئے، سوات میں بارش کے ساتھ ژالہ باری کے بعد موسم حسین ہوگیا۔ گلیات میں بھی رم جھم کے بعد سیاہ بادل چھائے ہوئے ہیں۔
موسم کا حال بتانے والوں نے گلگت بلتستان، کشمیر، کوئٹہ، ژوب اور قلات ڈویژن میں چند مقامات پر تیز ہواؤں اور گرج چمک کے ساتھ بارش کی پیشگوئی کی گئی ہے۔ ملک کے دیگر علاقوں میں موسم گرم اور خشک رہے گا۔ اتوار کو بھی خیبرپختونخوا، فاٹا، اسلام آباد، پنجاب، گلگت بلتستان، کشمیر، کوئٹہ، ژوب اور قلات ڈویژن میں چند مقامات تیز آندھی اور گرج چمک کے ساتھ بارش کی توقع ہے۔

اپنا تبصرہ بھیجیں

This site uses Akismet to reduce spam. Learn how your comment data is processed.