مناسب کام نہ ملنے پر فلم انڈسٹری چھوڑی، مہیما

بالی وڈ انڈسٹری کی اداکارہ مہیما چوہدری نے فلم انڈسٹری سے دور رہنے کی وجہ بتادی ۔ میڈیا سے گفتگو میں مہیما چوہدری نے کہا کہ بالی وڈ فلمسازوں کی جانب سے نئی فلموں میں مناسب کردار نہ ملنے پر انہوں نے انڈسٹری کو خیرباد کہا ہے ۔ مہیما نے کہا کہ فلمساز سینئر اداکاروں کیلئے مناسب اسکرپٹ تحریر کریں۔گزشتہ دنوں مہیما کے اضافی وزن کی خبریں اور تصاویر منظرعام پر آئی تھیں جس میں وہ ایک بھاری بھرکم خاتون دکھائی دے رہی تھیں۔مہیما چوہدری 1997 میں ریلیز ہونےوالی فلم ‘ پردیس میں شاہ رخ خان کےساتھ اسکرین پر آئی تھیں۔ انہوں نے آخری بار 2016 کی فلم ‘ڈارک چوکلیٹ’ میں کام کیا تھا انہوں نے ریا سین کی والدہ کا کردار نبھایا تھا۔

اپنا تبصرہ بھیجیں