امریکہ: اوبر ٹیکسی ڈرائیور نے مسافر کوقتل کردیا، کمپنی مسائل سے دوچار

اینگلووڈ،کولاراڈو…. پولیس نے ڈینوور کے ایک اوبر ڈرائیور مائیکل ہنکاک کو اپنے مسافر ہیانگ سونگ کم کو گولی مار کر ہلاک کردینے کے جرم میں گرفتار کرلیا ہے۔ کہا جاتا ہے کہ مقتول کم شادی شدہ اور ایک بچے کا باپ اور کولاراڈو کے علاقے میں رہتا تھا۔ تفصیلات کے مطابق ڈرائیور مائیکل ہنکاک نے اسے کئی گولیاں ماریں۔ یہ ہولناک واقعہ بین الریاستی شاہراہ نمبر 25 پر پیش آیا۔ واقعہ کی اطلاع ملتے ہی 911والے موقع پر پہنچ گئے تھے۔ ڈرائیور کے والدین کا کہناہے کہ انکا بیٹا شادی شدہ اور دو بچوں کا باپ ہے تاہم وہ اوبر ڈرائیور کے علاوہ نوعمر لڑکوں کی کونسلنگ کا کام بھی کرتا ہے۔ کہا جاتا ہے کہ فائرنگ کا واقعہ ڈرائیور اور مسافر میں زبانی تکرار کے بعد پیش آیا تھا۔اوبر کی پالیسی یہ ہے کہ اس پر سفر کرنے والا کوئی بھی مسافر نہ اپنے پاس اسلحہ رکھے گا اور نہاس کے ساتھ سفر کریگا۔ یہی وجہ ہے کمپنی ان مسائل کی وجہ سے دیگر مسائل کا شکار ہوگئی ہے۔ کمپنی کاکہناہے کہ اگر قانون حرکت میں ِآیا تو کچھ مشکوک مزاج والے ڈرائیور برطرف کردیئے جائیں گے اور کمپنی پر جرمانہ اور پابندی لگ سکتی ہے۔