چین: 98 سالہ قدیم عمارت کو 90 ڈگری کے زاویئے پر گھما دیا گیا

بیجنگ: چین میں ایک 98 سالہ قدیم عمارت کو اُس کے اصل مقام سے 54 میٹر کے فاصلے پر 90 ڈگری کے زاویئے پر گھما کر رکھ دیا گیا۔چائنا گلوبل ٹیلیویژن نیٹ ورک (سی ٹی جی این) کی جانب سے یوٹیوب پر جاری کی گئی ایک ٹائم لیپس ویڈیو میں دیکھا جاسکتا ہے کہ کس طرح ایک 98 سالہ قدیم عمارت کو 54 میٹر کی دوری پر رکھ دیا گیا۔شنگھائی میں واقع سالوں قدیم اس عمارت کی جگہ ایک نئے کمرشل کمپلیکس کی تعمیر ہونی تھی، جس کے لیے اس عمارت کو مسمار کیا جانا تھا تاہم انجینئرز نے اس کی تاریخی اہمیت کے پیش نظر اسے توڑنے کے بجائے دوسری جگہ منتقل کرنے کا فیصلہ کیا۔اس عمارت کی منتقلی کا عمل رواں برس 13 اپریل میں شروع کیا گیا جو رواں ماہ یکم جون کو اختتام کو پہنچا۔سی ٹی جی این کے مطابق اس عمارت کو 54.322 میٹر کی دوری پر 89.6 (تقریباً 90) ڈگری پر گھما کر رکھ دیا گیا ہے۔منتقل کیے جانی والی اس عمارت کو نئے کمپلیکس کے آفس کے طور پر استعمال کیا جارہا ہے۔

اپنا تبصرہ بھیجیں